RF hava hücumundan müdafiə qüvvələri 11 Ukrayna PUA-sını məhv edib - MN

BAKI, 7 mart - Sputnik. Rusiya hava hücumundan müdafiə sistemləri ötən gün ərzində 11 Ukrayna pilotsuz təyyarəsini və 12 HIMARS MLRS mərmisini vurub. Bu barədə Rusiya Müdafiə Nazirliyi məlumat yayıb.

“Gün ərzində "LXR"-in Çervonopopovka, Novoselovskoye, "DXR"-in Peski, Kirillovka, Valeryanovka, Horlivka, Makeyevka, Novoandreyevka, Zaporojye vilayətinin Mirnoye, Xarkov vilayətinin Qorobyovka və Tabayevka qəsəbələrində HİMARS reaktiv yaylım atəşi sisteminin 12 raketi ələ keçirilib və Ukraynanın 11 pilotsuz uçuş aparatı məhv edilib", - deyə məlumatda bildirilir.

Nazirlikdən bildirilib ki, RF Silahlı Qüvvələrinin Cənubi Donetsk və Zaporojye istiqamətlərində hərbi qulluqçuları 60-dan çox Ukrayna əsgərini və Amerika istehsalı olan iki artilleriya sistemini məhv edib, Kiyev isə gün ərzində 150-yə yaxın hərbçisini itirib.

“Kupyansk istiqamətində ordu aviasiyasının zərbələri və qərb qüvvələri qrupunun artilleriya atəşi Xarkov vilayətinin Qryanikovka, Pesçanoye, Kraxmalnoe, Stelmaxovka və Rozovka yaşayış məntəqələri ərazilərində düşmənin canlı qüvvə və texnikasına zərbələr endirib. Bir tank, Polşa istehsalı olan “Krab” özüyeriyən artilleriya qurğusu, “Akatsiya” özüyeriyən haubitsa və 30-dan çox ukraynalı hərbçi məhv edilib", - deyə məlumatda bildirilir.

O da bildirilib ki, ümumilikdə, xüsusi əməliyyat başlayandan bəri Ukraynaya məxsus 398 hərbi təyyarə, 217 helikopter, 3356 pilotsuz uçuş aparatı, 410 zenit-raket sistemi, 8205 tank və digər zirehli döyüş texnikası, 1055 reaktiv yaylım atəşi sistemli döyüş maşını, 4, sahə artilleriya qurğuları və minaatan, o cümlədən 8780 ədəd xüsusi təyinatlı hərbi texnika məhv edilib.

Digər maraqlı xəbərləri həmçinin Sputnik Azərbaycan-ın Teleqram kanalından izləyin.