BAKI, 1 mart — Sputnik. Yunanıstanda sərnişin qatarı ilə yük qatarının toqquşması nəticəsində ölənlərin sayı 32 nəfərə çatıb. Yaralananların sayı isə 85 nəfərdir.
Daha əvvəl bildirilib ki, hadisə yerində 150 yanğınsöndürən, 30-dan çox polis əməkdaşı, 40 təcili tibbi yardım maşını işləyir. Tibbi yardıma ehtiyacı olmayan 270 sərnişin faciə yerindən təxliyə edilərək Salonikiyə göndərilib. Toqquşan qatarların ilk vaqonları tamamilə sıradan çıxıb. Qeyd edək ki, hazırda hadisənin səbəbləri araşdırılır.