BAKI, 20 fevral - Sputnik. Azərbaycanın xarici işlər naziri Ceyhun Bayramov ilə Türkiyə xarici işlər naziri Mövlud Çavuşoğlu arasında telefon danışığı olub. Bu barədə APA Türkiyə XİN-ə istinadən məlumat yayıb.
Qeyd olunub ki, nazir Ceyhun Bayramov Hatayda baş vermiş zəlzələ ilə bağlı həmkarına zəng edib.
Xatırladaq ki, bu gün Türkiyənin Hatay vilayətində 6,4 bal gücündə zəlzələ qeydə alınıb.
Daha sonra Türkiyənin Fövqəladə Halların İdarə Olunması Agentliyi (AFAD) yerli vaxtla 20.07-də (Bakı vaxtı ilə 21.07) 5,8 bal gücündə daha bir zəlzələnin qeydə alınması barədə olduğunu bildirib.
“Yerli vaxtla saat 20:07-də Türkiyənin Hatay vilayətində episentri Samandağ rayonunda olan, 5,8 bal gücündə zəlzələ baş verib”, - deyə qurumdan bildirilib.
ürkiyə hakimiyyəti Hatay vilayətində daha çox zəlzələdən sonra suyun səviyyəsinin qalxması riski ilə əlaqədar vətəndaşları dənizə yaxınlaşmamaq barədə xəbərdarlıq edib.
“Zəlzələlərdən sonra dəniz səviyyəsinin 50 santimetrə qədər qalxması riskini nəzərə alaraq, vətəndaşlardan dəniz sahilinə yaxınlaşmamaları xahiş olunur”, - deyə Türkiyənin Fövqəladə Halların İdarə Olunması Agentliyinin (AFAD) açıqlamasında deyilir.
Türkiyənin Vitse-prezidenti Fuat Oktay zəlzələ nəticəsində xəsarət alan 8 nəfər xəstəxanaya yerləşdirilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.