BAKI, 19 fevral - Sputnik. “Politico” yazır ki, ABŞ administrasiyası göstərilən yardıma haqq qazandırmaq üçün Kiyevdən hücum əməliyyatları tələb edir.
Məlumata görə, Ağ Ev Kiyevdən “nailiyyətlərini möhkəmləndirməyi və ola bilsin, əks-hücuma keçməyi” tələb edib.
Bir sıra rəsmilərin qeyd etdiyi kimi, Ağ Ev Avropa qonşularının dəstəyinin məhdudlaşa biləcəyindən ehtiyat edərək, Zelenski komandasına Vaşinqton və Avropadan silah və yardımların sərbəst şəkildə axdığı bir vaxtda hücuma hazırlaşmağı söylədi.
Nəşr qeyd edir ki, Vaşinqtondan Ukraynaya yardıma ikitərəfli dəstək zəifləyə bilər, administrasiya respublikaçıların nəzarətində olan Nümayəndələr Palatasının müqavimətindən qorxur.
Rusiya Ukraynaya silah tədarük etdiyi üçün NATO ölkələrinə nota göndərib. Rusiyanın xarici işlər naziri Sergey Lavrov qeyd edib ki, Ukrayna üçün silah olan istənilən yük Rusiya üçün qanuni hədəfə çevriləcək. O, xəbərdarlıq edib ki, Qərb Ukraynaya getdikcə daha çox uzaqmənzilli silahlar vurduqca, xüsusi əməliyyatın coğrafi məqsədləri indiki xəttdən daha da irəliləyir.
"Qərb anlamalıdır ki, Ukraynaya silah tədarükü onun təhlükəsizliyini gücləndirməyəcək", - Rusiya Xarici İşlər Nazirliyi bildirib.