"Bloomberg" agentliyi öz mənbələrinə istinadən bildirib ki, bu günlərdə NATO — ya üzv ölkələrin müdafiə nazirləri təşkilatın Nizamnaməsinin beşinci maddəsi çərçivəsində yüksək intensivli münaqişəyə eyni vaxtda cəlb edilməsi şəraitində, həmçinin və ən maraqlısı - bu bənddə nəzərdə tutulmayan hadisələrdə alyansın hərəkətlərini əks etdirən gizli sənəd imzalayacaqlar.
NATO nizamnaməsinin 5-ci maddəsi, alyansın üzvlərindən birinə qarşı təcavüzün bütövlükdə təşkilata hücum kimi qiymətləndirildiyi və təcavüzə birgə cavab verilməsini nəzərdə tutan kollektiv müdafiə ilə bağlı həmin o məşhur bənddir.
Əslində bu məqalənin axmaq bir yazı olduğu və NATO-nun istəsə, hər zaman istənilən münaqişəyə müdaxilədən yayınma imkanının olacağı çoxdan və çoxları tərəfindən deyilib. Lakin "Bloomberg"in insayderi göstərir ki, Brüssel alyansın bəzi üzvləri NATO-nun beşinci maddədən istifadə etməyəcəyi bəzi hərbi əməliyyatlarda iştirak etdiyi zaman hadisələrin bu cür inkişafı üçün fəal şəkildə zəmin hazırlayır.
Bu hərəkətlərin səbəbini axtarmaq çox da çətin deyil, o, üzdədir - Ukrayna. Hadisələr irəli getdikcə, Qərbin orada tələyə düşdüyü bir o qədər aydın olur: o, hər şeyi Rusiya üzərində hərbi qələbəyə bağlayıb, amma işlər açıq-aydın alınmayıb. Son həftələr ən nüfuzlu və əsas dünya resursları Ukrayna Silahlı Qüvvələrinin məğlubiyyətə məhkum olduğunu və Qərb texnikasının heç bir təchizatının onları xilas etməyəcəyini getdikcə daha açıq şəkildə yazır.
ABŞ və Avropanın Rusiya üzərində ukraynalıların əli ilə qələbə çalacağına dair planları artıq faktiki olaraq məhv olub. Bu isə o deməkdir ki, bundan sonra nə etmək lazım olduğu barədə məsələ daha kəskin şəkildə gündəmdədir.
Əgər hadisələr bir neçə il əvvəl baş versəydi, Qərb bir müddət sonra yenidən cəhd etmək üçün bir qədər nəfəs alacaq, hərbi və siyasi qruplaşma üçün geri çəkiləcəkdi. Məhz bu taktikanı biz, illərdir ki, ölkəmizə qarşı hər sərt, lakin nəticəsiz hücumdan sonra nisbi sakitlik, hətta ölkələr arasında münasibətləri normallaşdırmaq cəhdləri müşahidə olunduqda belə müşahidə edirik.
Məsələ ondadır ki, Qərbin bu dəfə vaxtı yoxdur: onun lideri və əsas faydalandığı dünya qlobal sistemi , getdikcə daha sürətlə dağılır. O, nə pauza verə bilir, nə də geri çəkilməyi özünə sığışdırır. Yeganə çıxış yolu baçladığı işə davam etməkdir. Ukraynanın getdikcə azalan səfərbərlik ehtiyatı fonunda isə yeni top yemi axtarmaq lazımdır ki, onun da mənbəyi aydındır – bu, NATO ölkələridir.
Amma burada Şimali Atlantika alyansındakı münasibətlərin daxili incəlikləri ortaya çıxır. Təşkilatın lideri və faktiki sahibi ABŞ-dır. Onların artıq gizlətmədikləri birbaşa maraqları var ki, Avropanı Rusiya ilə müharibə ocağına atsınlar (bunun sayəsində ciddi iqtisadi fayda əldə ediblər), eyni zamanda Moskva ilə birbaşa hərbi toqquşmadan qaçsınlar, çünki bunun ardınca qaçılmaz olaraq qlobal nüvə fəlakəti gələcək.
"Bloomberg" tərəfindən açıqlanan NATO planları məhz bu problemin həllinə yönəlib. Bir tərəfdən təşkilata üzv ölkələrin iştirakı ilə hərbi əməliyyatlar baş verərsə, beşinci maddəyə məhəl qoymamaq üçün fəal şəkildə prosedurlar hazırlanır. Digər tərəfdən informasiya agentliyinə görə, eyni məxfi sənəd, "müdafiə xərcləri hədəflərinə çatmaqdan", yəni uzun illər ərzində hərbi ehtiyaclar üçün ÜDM-dən bədnam iki faiz pay ayırmaqdan inadla boyun qaçıran ən varlı üzvlərini "ipə-sapa yatırmağa" həsr edilib.
Aydındır ki, polyaklar və digər Şərqi Avropalılar qurban kimi kəsilmək üçün birinci sıradadırlar. Lakin ABŞ-ın Qərbi Avropa üçün də geniş planları olduğuna şübhə yoxdur. Əgər Vaşinqtonun yerli elitanı ram etməkdə və bu ölkələri açıq-aşkar intihar yoluna yönəltməkdə əldə etdiyi uğurları nəzərə alsaq, amerikalıların Köhnə Dünyanı Şərq Cəbhəsindəki ətçəkən maşına göndərmək planları tarixdə bir daha gerçəkləşə bilər.