BAKI, 15 fevral — Sputnik. Rusiya Federasiyası Xarici İşlər Nazirliyinin rəhbəri Sergey Lavrov Qərbin Ukraynanı Rusiya əleyhinə istifadə edilən əraziyə çevirməklə geri dönüşü olmayan həddə çatdığı barədə fikir bildirib.
"RİA Novosti" xəbər verir ki, bu barədə nazir Dövlət Dumasında hökumət saatında bildirib.
Onun sözlərinə görə, kollektiv Qərb Şimali Atlantika Alyansının şərqə doğru genişlənməsi də daxil olmaqla, "Rusiyanı uzunmüddətli cilovlamağı" qarşısına məqsəd qoyub.
Bundan əlavə, Lavrov vurğulayıb ki, Qərbin Rusiya Federasiyasına münasibətdə tutduğu kurs "qardaş Ukraynanın anti-Rusiyaya, rusofob hərbi mübarizə meydanına çevrilməsini" ehtiva edir..
Sonda xarici işlər naziri əlavə edib ki, Moskva uzun müddətdir Qərb həmkarlarının həqiqət motivləri ilə bağlı illüziyalar qurmur. Onun sözlərinə görə, Qərb hələ SSRİ-yə söz verdiyi NATO-nu genişləndirmək öhdəliyini yerinə yetirməyib.
Qeyd edək ki, bundan əvvəl Sergey Lavrov kollektiv Qərbin Rusiyanı hər şeydən təcrid olunmuş dövlətə çevirmək niyyətində olduğu barədə bəyanat verib.