Bakıda zəlzələ ehtimalı ilə bağlı şayiələr yayılır, lakin mən vətəndaşları və medianı mütəxəssislərlə əlaqə saxlamağa və əhali arasında çaxnaşma yaratmamağa çağırıram.
Bunu Milli Ekoloji Proqnozlaşdırma Mərkəzinin rəhbəri Telman Zeynalov Sputnik Azərbaycan-a açıqlamasında deyib.
Ekspertin fikrincə, süni şəkildə zəlzələ yaratmaq mümkün deyil, bu, təbii hadisədir.
Zeynalov bildirib ki, yeraltı təkanların mənbəyi yerin dərinliklərində yerləşir.
"Binaların tikintisinə gəlincə, ərazinin seysmik aktivliyini yoxlamaq üçün əvvəlcə mütəxəssislərə müraciət etmək lazımdır. Lakin bu gün heç kim buna diqqət yetirmir", - deyə ekspert fikrini yekunlaşdırıb.