BAKI, 4 fevral - Sputnik. Rusiya vətəndaşlığı olan fransız aktyor Jerar Depardye Ukraynada baş verənlərin Rusiyaya münasibətini dəyişmədiyini, hələ də rus olduğunu və rus mədəniyyətini sevdiyini bildirib.
"Mənim üçün heç nə dəyişməyib. Mən hələ də rusam. Mən rus mədəniyyətini sevirəm. Mən bir ölkəni sevirəmsə, o, həmişə onun mədəniyyətinə görə bunu edirəm. Amma bu mövzu haqqında danışmaqdan qaçmağa üstünlük verirəm, heç kim bu barədə həqiqətən ağlabatan bir şey deyə bilməz”, - Depardye Almaniyanın “Augsburger Allgemeine” qəzetinə müsahibəsində Ukrayna böhranının onun Rusiyaya münasibətini dəyişib-dəyişdirmədiyi sualına cavab verərkən deyib.
Eyni zamanda o əlavə edib ki, “insanların siyasətlə aktyorluğu qarışdırması heç xoşuna gəlmir”.