BAKI, 3 fevral — Sputnik. Rusiya və Çin ikitərəfli əməkdaşlığı bütün sahələrdə fəal şəkildə inkişaf etdirəcək. Bunu Çin Xarici İşlər Nazirliyinin sözçüsü Mao Nin cümə günü keçirdiyi brifinqdə Rusiya xarici işlər naziri Sergey Lavrovun sözlərini şərh edərkən bildirib.
"Rusiyanı Çinlə qorxutmaq istəyən kifayət qədər adam var, bunu Moskva ilə Pekin arasında əməkdaşlığa mane olmaq istəyi diktə edir. Rusiya Federasiyası ilə Çin arasında münasibətlər qarşılıqlı faydalıdır. Onlar Moskvanı tabe edə bilmirlər. Rusiya və Çin arasında münasibətlər keyfiyyətcə hərbi ittifaqdan yüksəkdir, onların nə məhdudiyyəti, nə də həddi var, heç bir qadağan edilmiş mövzu yoxdur", - Rusiya XİN rəhbəri Sergey Lavrov "Rossiya 24" telekanalına və "RİA Novosti"yə müsahibəsində bildirib.
Onun sözlərinə görə, Çin-Rusiya münasibətləri bloklara qoşulmama, qarşıdurmaya getməmək prinsiplərinə əsaslanır və üçüncü tərəflərə qarşı yönəlməyib, aydın tarixi məntiqə əsaslanır və güclü daxili hərəkətverici qüvvəyə malikdir:
"Hər iki tərəf dövlət başçılarının strateji rəhbərliyi altında xalqlarımızın rifahı naminə müxtəlif sahələrdə əməkdaşlığı bundan sonra da fəal şəkildə davam etdirəcək", - Çin XİN-in sözçüsü bildirib.