BAKI, 30 yanvar — Sputnik. Rusiya İxrac Mərkəzi (RİM, VEB.RF qrupuna daxildir) Rusiya qida istehsalçılarının Azərbaycana işgüzar missiyasını təşkil edir.
"2023-cü il martın 1-dən 2-dək Bakı şəhərində Rusiyanın hazır qida məhsulları istehsalçılarının işgüzar missiyası keçiriləcək. Missiya çərçivəsində qida və içki distribütorları, Azərbaycanın pərakəndə satış şəbəkələrinin və HORECA seqmentinin nümayəndələri Azərbaycan bazarına daxil olmağı və ya orada iştirakını genişləndirməyi planlaşdıran Rusiya şirkətlərinin məhsulları ilə tanış ola biləcəklər", - məlumatda qeyd olunur.
Bildirilir ki, missiya yeni formatda keçiriləcək: işgüzar görüşlər və səfər tədbirlər ilə yanaşı, biznes proqrama "Hilton Baku" hotelinin açıq mətbəxində şou-dequstasiya daxildir.
Aşpaz biznes missiyası iştirakçılarının məhsullarından hazırlanmış dequstasiya növlərini təqdim edəcək. RİM-in məlumatında qeyd olunur ki, tədbirin qonaqları nəinki Rusiya şirkətlərinin nümayəndələri ilə tanış ola, həm də onların məhsullarının dadını və keyfiyyətini yerindəcə qiymətləndirə, habelə çatdırılma şərtlərini öyrənə bilərlər.