BAKI, 30 yanvar — Sputnik. Xalq artisti Aygün Kazımovanın bütü hazırlanıb. Bu barədə Xalq artisti özünün sosial media hesabında məlumat verib. Kazımova paylaşımında "həyatımda bu da oldu. Bunu da yaşadım" deyə bildirib.
Sözügedən büst "Arb" kanalında yayımlanan "Söhbət var" verilişində Dilarə Əliyeva tərəfindən təqdim olunub.
Qeyd edək ki, səhnəmizin divasının büstünü gənc heykəltaraş Müstəqil Balayev hazırlayıb. Müstəqil Balayev bundan öncə şəhidlərimiz Arəstə Baxışıvanın, Mayor Anar Novruzovun, Baş leytenant Əlimərdan Quluzadənin, Baş Leytenant Tərlan Kərimovun büstləri ilə yanaşı, bir sıra elm və incəsənət adamlarının büstünü hazırlayıb.