BAKI, 22 yanvar - Sputnik. Finlandiya, İsveç və Türkiyə nümayəndələri arasında görüşlərin ləğvi Şimali Atlantika Alyansına üzvlük ərizəsinin ratifikasiyası prosesinə pis təsir edir.
Bu sözləri Finlandiyanın xarici işlər naziri Pekka Haavisto STT telekanalına müsahibəsində deyib.
"Aydındır ki, bu təmas görüşlərinin təxirə salınması NATO-nun ratifikasiyası (müraciət) prosesi üçün pisdir", - Haavisto bildirib.
Onun sözlərinə görə, İsveç səfərlərin yeni tarixlərini razılaşdırmağa çalışır. Finlandiyalı nazir qeyd edib ki, o, İsveçin xarici işlər naziri Tobias Billström ilə gündəlik əlaqə saxlayır.
Yanvarın 21-də xəbər verildiyi kimi, İsveçin müdafiə naziri Pol Yonsonun gələn həftə Türkiyəyə planlaşdırılan səfəri ləğv edilib. Bundan əvvəl Türkiyə İsveç parlamentinin sədri Andreas Norlen və onunla birlikdə Finlandiya parlamentinin sədri Matti Vanhanenin də səfərini ləğv edib.
Səfərlərin ləğvi İsveçdə Türkiyə əleyhinə nümayişlər və təxribatların nəticəsi kimi qiymətləndirilir. Finlandiya və İsveç, Türkiyə və Macarıstan istisna olmaqla, 30 ölkədən 28-nin üzvlüyünü təsdiqlədiyi Şimali Atlantika Alyansına müraciətlərini ratifikasiya prosesindədir.