BAKI, 21 yanvar - Sputnik. Stokholmda Quranın yandırılması Avropada islamofobiya, irqçilik və ayrı-seçkiliyin səviyyəsini göstərir. RİA Novosti xəbər verir ki, bu barədə Türkiyə Xarici İşlər Nazirliyinin bəyanatında deyilir.
Nordic News xəbər portalı, cümə günü Danimarkanın "Sərt Kurs" Partiyasının lideri Rasmus Paludanın Stokholmdakı Türk səfirliyi qarşısında Quranın yandırılması aksiyasını keçirməyə icazə alıb. Paludan şənbə günü Bakı vaxtı ilə saat 17.00-də aksiyanı həyata keçirib.
“Ölkəmizdən edilən bütün xəbərdarlıqlara baxmayaraq, bu gün (21 yanvar) İsveçdə müqəddəs kitabımız Qurani-Kərimə qarşı törədilən iyrənc hərəkəti ən kəskin şəkildə pisləyirik. Müsəlmanlara qarşı yönəlmiş və müqəddəs dəyərlərimizi təhqir edən bu islamofob təxribat xarakterli hərəkətə söz azadlığı adı altında yol verilməsi ilə heç bir şəkildə razılaşmırıq. Çünki bu, nifrət cinayətidir”, - deyə Türkiyə Xarici İşlər Nazirliyinin bəyanatında bildirilir.
Türkiyə Xarici İşlər Nazirliyi “bu iyrənc hərəkəti Avropada islamofobiya, irqçilik və ayrı-seçkiliyin həyəcan verici səviyyəsinə bir daha sübut edir” adlandırıb.
“Biz İsveç hakimiyyətini bu nifrət cinayətini törədənlərə qarşı lazımi tədbirlər görməyə, bütün ölkələri və beynəlxalq təşkilatları islamofobiyaya qarşı həmrəylik üçün konkret addımlar atmağa çağırırıq”, - bəyanatda deyilir.