BAKI, 20 yanvar - Sputnik. Fransanın 2024-2030-cu illər üçün hərbi büdcəsi 2019-2025-ci illərdə hərbi xərclərə ayrılan 295 milyard avro ilə müqayisədə 400 milyard avroya yüksələcək. Bunu Fransa prezidenti Emmanuel Makron bildirib.
"2024-2030-cu illər üçün "Hərbi Proqramlaşdırma haqqında" Qanun (LPM) dövlətin ordusunu gücləndirmək üçün göstərdiyi səyləri əks etdirir. Onlar bugünkü təhlükələrlə mütənasibdir və bu, əhəmiyyətlidir. 2024-2030-cu illərdə dövlət tərəfindən 400 mlrd. avro hərbi şöbəyə" deyə Makron cümə günü Yelisey sarayının rəsmi Twitter hesabında yayımlanan Mont-de-Marsan hava bazasında orduya müraciətində qeyd edib.
İnfrastruktur və digər maddələrə büdcədənkənar xərclər nəzərə alınmaqla ordunun ümumi büdcəsi 413 milyard avro olmalıdır. Bu o deməkdir ki, Fransa hərbi idarəsinin növbəti 7 il üçün büdcəsi ona 2019-2025-ci illərdə ayrılan maliyyə ilə müqayisədə üçdə bir artacaq. 2030-cu ildə hərbi büdcənin həcmi 2017-ci ildəkindən iki dəfə çox olacaq.
O cümlədən, prezident 7 il ərzində Fransa kəşfiyyatının maliyyələşdirilməsinin 60% artırılacağını açıqlayıb.
Fransa həmçinin 2023-cü ildə 5,6 milyard avro ayrılacaq nüvə qarşısının alınması qüvvələrini modernləşdirməyə davam edəcək.
Makron qeyd edib ki, Ukraynadakı münaqişə fonunda Fransa ordusunda “islahat aparmalı və transformasiya etməlidir”. O, aydınlaşdırıb ki, Fransa həm NATO çərçivəsində, həm də müstəqil fəaliyyət göstərə bilməlidir ki, bu da 20 min nəfərlik birləşmiş silah kontingentinin yerləşdirilməsi imkanını nəzərdə tutur.
“Cavabın sürətinə xüsusi diqqət yetirmək və ordumuzun gücünü artırmaq lazımdır, çünki biz iştirak etməli olduğumuz münaqişələri seçmirik”, - o deyib.
Makronun sözlərinə görə, pilotsuz uçuş aparatları, o cümlədən döyüş sahəsindəki boşluqları doldurmaq, kvant kompüterləri və süni intellektin inkişafına investisiyaları artırmaq lazımdır. Fransa həmçinin hava hücumundan müdafiə sistemlərinin tutumunu iki dəfə artırmağı planlaşdırır.
Fransa ordusunun 2019-2025-ci illər üçün büdcəsi 295 milyard avrodur.