BAKI, 18 yanvar — Sputnik. "Rusiya Kiyev rejiminin, o cümlədən dinc əhaliyə qarşı cinayətlərini qeydə alır. Bu iş davam etdiriləcək". Bunu Rusiya Prezidenti Vladimir Putin Böyük Vətən Müharibəsi veteranları və Leninqrad blokadasını yaşamış sakinlərlə görüşündə bildirib.
"Onların, xüsusən də mülki əhaliyə qarşı etdiklərini mütləq qeyd etmək lazımdır. Biz də bunu edəcəyik. İstintaq Komitəsi bununla məşğuldur. O, təkcə qeyd etmir, həmin materialları ümumiləşdirir və onlara hüquqi qiymət verir. Və biz bu yolla bundan sonra da mütləq irəliləyəcəyik", - deyə o qeyd edib.
Putin xatırladıb ki, Ukraynada bugünkü hakimiyyətin mənbəyi 2013-2014-cü illərin dövlət çevrilişi olub.
"Ukraynada məskunlaşan və bu çevriliş nəticəsində hakimiyyəti ələ keçirən neonasistlərin dinc əhaliyə qarşı törətdiyi cinayətlərə gəlincə, sonradan baş verənlərin hamısı önəmlidir. Amma yenə də Ukraynada bugünkü hakimiyyətin əsas mənbəyi - dövlət çevrilişidir. Biz bunu heç vaxt unutmamalıyıq", - deyə Rusiya Federasiyasının prezidenti qeyd edib.
Beləliklə də, dövlət başçısı görüş iştirakçısı, Şimal-Qərb Federal Dairəsinin hərbi-tarixi mərkəzinin birinci müavini Sergey Maçinskinin xatırlatdığı, Böyük Vətən müharibəsi illərində nasistlər tərəfindən törədilən cinayətlərin şərtlərini müəyyənləşdirmək üçün "zaman məhdudiyyəti olmadan" layihəsi çərçivəsində axtarış sistemlərinin uzun müddət İstintaq Komitəsi ilə işlədiyini qeyd etdiyi təklifinə cavab verib.
"Onlar bu işi hazırda Donetsk və Luqansk vilayətlərinin ərazisində davam etdirməyə hazırdırlar. Biz hamımız sizdən İstintaq Komitəsinə göstəriş vermənizi xahiş edərdik ki, bu iş davam etdirilsin və insanlar nasistlərin müasir cinayətlərindən də xəbər tutsunlar ki, onlar da vaxtında məsuliyyətə cəlb edilib məhkəmə qarşısına çıxarılsınlar", – deyə Maçinski Putinə müraciət edib.