BAKI, 17 yanvar — Sputnik. 2022-ci ildə əcnəbilər arasında Türkiyədə ən çox mənzil və digər daşınmaz əmlakı ruslar alıb.
Bunu Türkiyə Statistika Bürosu (TUİK) xəbər verib.
Statistika bürosunun məlumatına görə, ümumilikdə, ötən il Türkiyədə 1,485 milyondan çox mənzil satılıb ki, bu da 2021-ci illə müqayisədə 0,4% azdır. Agentlik bildirir ki, əcnəbilər 67 mindən çox əmlak alıblar ki, bu da illik ifadədə 15,2% çoxdur, lakin dekabrda noyabr ayı ilə müqayisədə xaricilərə satılan mənzillərin sayı 18,6% azalıb. Əcnəbilər arasında ən populyarlar yerlər İstanbul, Antalya və Mersindir.
"Türkiyədə ən çox mənzili ruslar alıblar – 16 312, ardınca İran vətəndaşları – 8,2 mindən çox, daha sonra İraqlılar – altı mindən çox mənzil satın alıblar", - deyə bürodan xəbər verilib. Eyni zamanda, təkcə dekabr ayında ruslar 2400-dən çox mənzil əldə ediblər.
Hələ mart ayında Türkiyədə ev alan ruslar İran və İraqdan sonra üçüncü yerdə idilər, lakin aprel ayından etibarən onlar siyahıya başçılıq edirlər.
Noyabrın ortalarında "change.org" saytında Türkiyənin Antalya şəhərində əcnəbilərə daşınmaz əmlakın satışını və kirayəsini dayandırmağı tələb edən petisiya peyda olub. Müəllif əcnəbilərin Antalyada yaşayışını kurort otelləri ilə məhdudlaşdırmağı tələb edir. Yanvarın 17-nə olan məlumata görə, petisiyanı artıq 16 minə yaxın insan imzalayıb.
Müəllif əcnəbilərin kurort otellərində qalmalarını məhdudlaşdırmağı tələb edir.
Ötən həftə isə Türkiyənin ən böyük mərkəz - sol müxalifəti olan Cümhuriyyət Xalq Partiyasının lideri Kamal Kılıçdaroğlu hakimiyyətə gələcəyi təqdirdə xaricilərə mənzil satışını beş il müddətinə qadağan etmək niyyətində olduğunu bildirib.