BAKI, 15 yanvar - Sputnik. Türkiyə prezidenti Tayyib Ərdoğan bildirib ki, hamı Rusiyaya “hücum” etsə də, Türkiyə Rusiya lideri Vladimir Putinlə münasibətləri qoruyub saxlayıb.
Türkiyə rəsmi səviyyədə dəfələrlə bəyan edib ki, Rusiyaya qarşı sanksiyalara qoşulmaq niyyətində deyil.
Hamı Rusiyaya hücum edərkən, biz bunu etmədik, əksinə, cənab Putinlə münasibətlərimizi əvvəlki qaydada saxladıq”, - deyə Ərdoğan Muğlada gənclərlə görüşdə deyib.
Türkiyə lideri Rusiya liderinin ehtiyacı olan ölkələrə pulsuz ərzaq göndərilməsi təklifini bir daha xatırladıb.
“Putin dedi ki, gəlin, pulsuz taxıl göndərim.Biz dedik: “Biz onu una çevirib kasıb ölkələrə göndərəcəyik”, - deyə Ərdoğan bildirib.
Anadolu agentliyi Türkiyə Milli Müdafiə Nazirliyinə istinadən verdiyi xəbərə görə, "Taxıl müqaviləsi" çərçivəsində Ukrayna limanlarından ixrac edilən kənd təsərrüfatı məhsullarının həcmi 17 milyon 254 min tonu ötüb.
Məlumata görə, taxıl dəhlizinin fəaliyyətə başladığı 2022-ci il avqustun 1-dən Ukraynanın üç limanını ümumilikdə 643 quru yük gəmisi tərk edib.
2022-ci il iyulun 22-də Rusiya, Türkiyə, Ukrayna və BMT nümayəndələri tərəfindən imzalanan "taxıl müqaviləsi" Odessa da daxil olmaqla üç limandan Ukrayna taxılının, ərzaq və gübrələrin Qara dəniz vasitəsilə ixracını nəzərdə tutur.
Müqavilənin müddəti ötən ilin noyabrın 18-də başa çatıb, lakin tərəflərin etirazı olmadığı üçün avtomatik olaraq 120 gün müddətinə uzadılması nəzərdə tutulub.
Bu sazişin özü paket sövdələşmənin ayrılmaz hissəsidir. Sənədlər digər şeylərlə yanaşı, Rusiyanın ərzaq və gübrə ixracının qarşısının alınmasını nəzərdə tutur. Rəsmi Moskva qeyd edib ki, məhz bu müddəa yerinə yetirilməyib. Eyni zamanda, BMT-dən məhdudiyyətlərin aradan qaldırılacağına dair təminatlar var.