BAKI, 9 yanvar - Sputnik. Bu gün Bakıda və Abşeron yarımadasında arabir qar yağacağı gözlənilir. Milli Hidrometeorologiya Xidmətindən verilən xəbərə görə, səhər bəzi yerlərdə duman olacaq. Mülayim şimal-şərq küləyi əsəcək.
Havanın temperaturu Bakıda 0°-yə yaxın olacaq. Atmosfer təzyiqi 778 mm civə sütunu, nisbi rütubət 70-80% olacaq.
Yanvarın 9-da Azərbaycanın rayonlarında bəzi yerlərdə sulu qar, qar yağacağı, duman olacağı gözlənilir. Ayrı-ayrı yerlərdə intensiv olacağı ehtimalı var. Mülayim şərq küləyi əsəcək.
Havanın temperaturu gündüz 2° şaxtadan 2°-dək isti, dağlarda 5-10° şaxta olacaq. Yollar buz bağlayacaq.