BAKI, 7 yanvar - Sputnik. Birləşmiş Ştatlardakı Milli Onkologiya İnstitutunun alimləri orta intensivlikdə fiziki fəaliyyətin xərçəng xəstəliyinə tutulma ehtimalını azaltdığını müəyyən ediblər. Sputnik Azərbaycan xəbər verir ki, bu barədə "Medical Xpress" nəşri yazır.
Mütəxəssislər 750 mindən çox insanın iştirak etdiyi doqquz perspektivli tədqiqatı təhlil ediblər. Məlum olub ki, fiziki fəaliyyət yeddi növ xərçəngin – kişilərdə yoğun bağırsaq xərçənginin, qadınlarda süd vəzisi xərçənginin, endometriyanın, böyrək və qaraciyər xərçənglərinin, melanomanın və qeyri-Hodgkin limfomasının inkişaf riskini azaldır.
Alimlər hesab edirlər ki, həftədə 2,5-5 saat orta intensivlikli və ya 1,25-2,5 saat yüksək intensivlikli məşqlər bədxassəli şiş riskini əhəmiyyətli dərəcədə azalda bilər.