BAKI, 2 yanvar - Sputnik. Rusiyadan olan milyarderlərin ümumi sərvəti ötən il 93,753 milyard dollar azalıb. Bloomberg Billionaires Index-in (BBI) reytinqi belə nəticəyə gəlməyə imkan verir.
İndeks milyarderlərin pay sahibi olduğu şirkətlərin səhmlərinin dəyəri əsasında hesablanır. Bəzi şirkətlər üçün hesablama onların kapitallaşmasının EBITDA-ya və ya səhm qiymətinin səhm üzrə mənfəətə nisbətinə əsaslanır. Ümumilikdə BBI reytinqinə dünyanın ən zəngin 500 adamı daxildir. Hazırda onun tərkibinə Rusiya Federasiyasının 23 vətəndaşı daxildir. Yanvarın 2-nə onların ümumi sərvəti təqribən 269 milyard dollar təşkil edir ki, bu da dekabrın 1-i ilə müqayisədə təxminən 27 milyard dollar azdır.
Reytinqdə birinci yerdə "Norilsk Nikel"in əsas sahiblərindən biri olan Vladimir Potanindir; “Novatek”in ortaq sahibi Leonid Mixelson göstərici azalaraq 7,81 milyard dollar, 24,6 milyard dollar təşkil edib. NLMK-nın benefisiarı Vladimir Lisin isə üçüncü yerə yüksəlib, onun sərvəti il ərzində 8,13 milyard dollar azalaraq 19,9 milyard dollar olub.
İl ərzində 10,1 milyard dollar itirmiş (sərvəti 18,7 milyard dollar qiymətləndirilir) Aleksey Mordaşov bir ay ərzində dördüncü yerə düşüb. Sərvətinə görə beşinci yeri Əlişir Usmanov (“Metalloinvest”, “Megafon”) tutub, onun sərvəti 2,79 milyard dollar azalaraq 18,5 milyard dollar olub.
“Lukoyl”un həmsahibi Vahid Ələkbərov altıncı yerdə qərarlaşıb (6,38 milyard dollar azalaraq 15,4 milyard dollar). Bloomberg agentliyi öz reytinqində biznesmenin kartında göstərir ki, aprel ayında onun sərvətinin birdəfəlik yenidən hesablanması nəticəsində 12 milyard dollardan çox artıb. Yeddinci yerdə sərvəti 750 milyon dollar azalaraq 13,2 milyard dollar olan Mixail Proxorov ("Oneksim" qrupu) olub.
Səkkizinci yeri EuroChem və SUEK-in keçmiş benefisiarı Andrey Melniçenko (martın 9-da Aİ-nin sanksiyaları altına düşərək ortaq sahiblərindən ayrılıb) tutub, onun sərvəti BBI reytinqinə görə 4,34 milyard dollar azalaraq 13,1 milyard dollara düşüb. “Novatek” və “Sibur” şirkətlərinin ortaq sahibi Gennadi Timçenko isə doqquzuncu yerdə qərarlaşıb (10,6 milyard dollar azalaraq 11,8 milyard dollar). Sərvəti 2,65 milyard dollar azalaraq 11,3 milyard təşkil edən “Alfa Group” şirkətinin təsisçisi Mixail Fridman ilk onluğu bağlayır.