BAKI, 23 dekabr - Sputnik. Milli Hidrometeorologiya Xidmətindən verilən məlumata görə, dekabrın 23-də Bakıda və Abşeron yarımadasında hava şəraiti dəyişkən buludlu olacaq, arabir tutulacaq, əsasən yağmursuz keçəcək.
Lakin bəzi yerlərdə yağıntı olacağı ehtimalı var. Cənub-şərq küləyi əsəcək.
Havanın temperaturu ölkə ərazisində 8-11°, Bakıda 9-11° isti olacaq. Atmosfer təzyiqi 768 mm civə sütunu, nisbi rütubət 60-70% olacaq.
Azərbaycanın rayonlarında hava, əsasən, yağmursuz olacaq. Lakin gecə və səhər bəzi şərq rayonlarında az yağıntılı olacağı ehtimalı var. Ayrı-ayrı yerlərdə duman olacaq. Mülayim qərb küləyi əsəcək.
Havanın temperaturu 7-11° isti, dağlarda 0-5° şaxta olacaq.