BAKI, 21 dekabr — Sputnik. Avropa İttifaqında heç kim "Şimal axını" və "Şimal axını 2" qaz kəmərlərində terror aktları ilə bağlı obyektiv araşdırma aparmağa hazırlaşmır. Bunu Rusiyanın xarici işlər naziri Sergey Lavrov Qara Dəniz İqtisadi Əməkdaşlıq Təşkilatının (QDİƏT) Xarici İşlər Nazirləri Şurasının 45-ci iclasında deyib.
"Şimal axını"nın məlum vəziyyət ilə əlaqədar, görünür, Avropa İttifaqında heç kim vəziyyəti obyektiv araşdırmaq niyyətində deyil. Rusiya qazının nəqli üçün şimal marşrutları dayanıb", - deyə Lavrov bildirib.
Nazir qeyd edib ki, bu şərtlər altında Rusiya qaz tədarükünü Qara dəniz qaz kəmərləri ilə həyata keçirir. "
Biz Ankara və digər həmkarlarımızla Türkiyədə qazpaylayıcı mərkəzin yaradılması ilə bağlı danışıqlar aparırıq", - o əlavə edib.
Sentyabrın 26-da "Şimal axını" və "Şimal axını 2"nin üç xəttində partlayışlar qeydə alınıb. İsveç seysmoloqları qaz kəmərlərinin marşrutları boyunca iki partlayış qeydə alıblar. Bundan sonra Rusiya FTX-nin müstəntiqləri partlayışlarla bağlı beynəlxalq terror aktı ilə bağlı cinayət işi açıb.