BAKI, 19 dekabr - Sputnik. Rusiya prezidenti Vladimir Putin Minskdə keçirilən geniş tərkibdə Belarus-Rusiya danışıqlarının səmərəli keçdiyini bildirib. Belta agentliyi xəbər verir ki, bunu Rusiya Prezidenti Vladimir Putin Belarus prezidenti Aleksandr Lukaşenko ilə iki ölkənin hökumət üzvlərinin iştirakı ilə geniş tərkibdə danışıqlardan sonra dar formatda görüşdə deyib.
“Hesab edirəm ki, bugünkü görüş çox məhsuldar oldu”, - deyə o bildirib.
Rusiya lideri əlavə edib ki, insanlar danışıqlar zamanı işlənib hazırlanmış qərarları birgə işin nəticələrinə əsasən qiymətləndirəcəklər.
“Amma ümumilikdə, keçən il ticarətdə artıq 30% artım olduğuna nəzər salsanız, bunlar konkret şeylərdir. Bunlar insanlar üçün iş, maaşdır. Bu il isə biz 40 milyard dollara çata bilərik – bu, böyük, ciddi məbləğdir”, - deyə Rusiya Federasiyasının Prezidenti bildirib.
O həmçinin qeyd edib ki, ölkələr müxtəlif sahələrdə sənaye kooperasiyasına cəlb olunub, kənd təsərrüfatı, o cümlədən kənd təsərrüfatı məhsullarının tədarükü sahəsində əməkdaşlıq edirlər.
"Bunlar hələ də əsas şeylərdir. Sənaye əməkdaşlığı. Mənə elə gəlir ki, bu çox vacibdir. Nəqliyyat, nəqliyyat...", - deyə Putin əlavə edib.