BAKI, 6 dekabr — Sputnik. Qərbin Rusiya tədarükünün qiymətlərinə tavan tətbiq etməsi səbəbindən neftin qiyməti bir barel üçün 100 dollardan yuxarı qalxa bilər.
"İzvestiya" qəzeti bu barədə yazır.
Nəşrə müsahibə verdiyi ekspertlər hesab edirlər ki, bu, əgər Rusiya Federasiyasında qanunvericilik səviyyəsində yerli şirkətlərə məhdudiyyətləri dəstəkləyən ölkələrə xammal satmaq qadağan olunarsa, yəni dövlət dünya bazarına tədarük həcmini azaltsa, baş verə bilər.
Ekspertlər qəzetə bildiriblər ki, Rusiyanın Asiyaya ixracatını yenidən bərpa edəcəyi başqa bir ssenari var - o zaman neftin qiyməti indiki səviyyədə - 85 dollar/barel səviyyəsində sabitləşə bilər.
Dəqiqləşdirək ki, dekabrın 5-də iki beynəlxalq qadağa qüvvəyə minib - Rusiya Federasiyasından neftə Avropa embarqosu və Rusiya yanacağının qiymətinin bir barel üçün 60 dollar səviyyəsində olması qaydası. Bu arada Kreml bunun cavabını açıqlayıb.
Enerji və Maliyyə İnstitutunun baş energetika direktoru Aleksey Qromovun fikrincə, yeni anti-Rusiya sanksiyaları dünya neft bazarının iki yerə bölünməsinə gətirib çıxaracaq.