BAKI, 6 dekabr — Sputnik. Qətərdə keçirilən dünya çempionatının 1/8 final mərhələsində Mərakeş və İspaniya yığmaları üz-üzə gəlib.
Görüş "Edukeyşn Siti" stadionunda baş tutub.
Oyunun əsas və əlavə vaxtlarında qapılara top vurulmayıb.
1/4 finala vəsiqənin taleyi penaltilərlə həll olunub. Daha dəqiq olan mərakeşlilər 1/4 finala vəsiqə qazanıblar - 3:0.
1/4 finalda Mərakeş yığması Portuqaliya - İsveçrə oyununun qalibi ilə qarşılaşacaq.