BAKI, 5 dekabr — Sputnik. Kollektiv Təhlükəsizlik Müqaviləsi Təşkilatı (KTMT) Parlament Assambleyası yanacaq-energetika kompleksində terrorla mübarizə məsələsini müzakirə edəcək. Bunu Ruisya Dövlət Dumasının sədri Vyaçeslav Volodin iclasda bildirib.
Bazar ertəsi Kollektiv Təhlükəsizlik Müqaviləsi Təşkilatı Parlament Assambleyası Şurasının birgə iclası və KTMT PA-nın XV plenar iclası işinə başlayıb.
"Bu gün Kiyev nasist rejimi dinc əhaliyə qarşı terror aktları törədir, atom elektrik stansiyalarının kritik infrastrukturunu atəşə tutur. Bu, faciə, nüvə fəlakəti ilə təhdid edir", - Volodin bildirib.
Dumanın sədri vurğulayıb ki, bununla bağlı KTMT PA-da yanacaq-energetika kompleksi obyektlərində terrorizmə qarşı mübarizə üzrə tövsiyələri nəzərdən keçiriləcək.
Bundan əvvəl Rusiya Dövlət Duması Şurası növbədənkənar iclasında Ukrayna hərbçiləri tərəfindən Zaporojye AES-in atəşə tutulması nəticəsində yaranan təhlükələrlə bağlı BMT, MAQATE və beynəlxalq parlament təşkilatlarına bəyanat verib.
KTMT PA parlamentlərarası əməkdaşlıq orqanıdır. 2016-cı ilin noyabrından Rusiya Dövlət Dumasının spikeri Vyaçeslav Volodin KTMT PA-nın sədridir. KTMT PA-nın üzvləri Ermənistan, Belarus, Qazaxıstan, Qırğızıstan, Rusiya və Tacikistandır.
Eyni zamanda Əfqanıstan İslam Respublikası Milli Assambleyasının aşağı palatası, Belarus və Rusiya İttifaqının Parlament Assambleyası, Serbiya Milli Assambleyası müşahidəçi statusunda təmsil olunur.