BAKI, 28 noyabr — Sputnik. Kamerunun paytaxtı Yaundedə dəfn mərasimi zamanı torpaq sürüşməsi nəticəsində 14 nəfər ölüb. Bu barədə CRTV dövlət telekanalı məlumat yayıb.
Telekanalın efirində ölkənin Mərkəzi Regionunun qubernatoru Naseri Pol Bea deyib: "Biz 10 cəsədi yerində saydıq, lakin biz gələnə qədər artıq dörd cəsəd götürülmüşdü".
O əlavə edib ki, xəstəxanalarda qeydə alınmış "onlarla ciddi hadisə" də var.
Qeyd edək ki, noyabrın 26-da İtaliyanın İskiya adasına yağan yağış da sel və torpaq sürüşməsinə səbəb olub. Azı 10 bina dağılıb.
İtaliyanın daxili işlər naziri Matteo Piantedosi 200-ə yaxın insanın təxliyə edildiyini bildirib. Onun sözlərinə görə, hava şəraiti axtarış-xilasetmə işlərini çətinləşdirir. Yerli hakimiyyət adada gələn həftənin iki günü məktəbləri bağlamaq qərarına gəlib.