BAKI, 26 noyabr - Sputnik. Qətərdə keçirilən futbiol üzrə dünya çempionatında Tunis və Avstraliya yığmaları arasında D qrupunun II tur oyunu baş tutub.
23-cü dəqiqədə fərqlənən Mitçell Dyuk avstraliyalıları önə keçirib - 1:0. Birinci hissə bu hesabla başa çatıb.
İkinci hissədə qapılara qol vurulmayıb və Avstraliya millisi çemponatda ilk qələbəsini əldə edib.
Bu qrupda ilk turda Avstraliya 1:4 hesabı ilə Fransaya uduzmuşdu, Tunis isə Danimarka ilə heç-heçə oynamşdı - 0:0.
Beləliklə, iki oyundan sonra Avstraliyanın 3, Tunisin isə 1 xalları var.
Bu gün D qrupunda Fransa-Danimarka oyunu da keçirilməlidir.