BAKI, 22 noyabr - Sputnik. Qətərdəki futbol üzrə dünya çempionatında ABŞ və Uels yığmaları arasında B qrupunun ilk tur oyunu olub.
Görüş Əhməd bin Əli stadionunda keçirilib.
36-cı dəqiqədə Timoti Vea Şimali Amerika təmsilçisini önə çıxarıb - 1:0. İlk yarı bu hesabla qurtarıb.
İkinci hissədə 82-ci dəqiqədə Qaret Beyl penaltidən hesabı bərabərləşdirib - 1:1. Qarşılaşma bu hesabla qurtarıb.
B qrupunun digər ilk tur matçında İngiltərə millisi İranı darmadağın edib - 6:2.