BAKI, 22 noyabr — Sputnik. Bayden quşları "xarakterlərinə və cəmiyyətin məhsuldar üzvləri olmaq istəyinə görə" əfv edib. Bu il hind quşlarının adı məşhur bir ləzzətin şərəfinə adlandırılıb - "Chocolate" (Şokolad) və "Baby" (Körpə).
Onlar Vaşinqtona Şimali Karolina ştatından gətirilib. Quşların sosial şəbəkələrdə öz hesabları var. Hind quşları mərasimdən əvvəlki gecəni dəbdəbəli hoteldə keçiriblər.
2021-ci ildə Bayden "Peanut Butter" (Yerfındığı yağı) və "Jelly" (Jele) adlı hind quşlarını əfv edib.
Hind quşları Milli Federasiyası və Quşçuluq Milli Şurası Harri Trumenin hakimiyyətdə olduğu 1947-ci ildən bəri ABŞ prezidentinə Şükran günü ərəfəsində hind quşlarını bağışlayır.
ABŞ-ın keçmiş Prezidenti Con Kennedi hədiyyədən imtina edən və hind quşunu əfv edən ilk prezident olub, kiçik Corc Buş isə ilk olaraq "əfv" ənənəsini formalaşdırdırıb.