BAKI, 19 noyabr — Sputnik. Beynəlxalq Atom Enerjisi Agentliyinin (MAQATE) ölkəni Zaporojye Atom Elektrik Stansiyasından (ZAES) imtina etməyə çağıran qətnaməsinə baxmayaraq, Rusiya agentliklə əlaqəni davam etdirəcək. Bunu Rusiya Federasiyası prezidentinin mətbuat katibi Dmitri Peskov bildirib.
"Biz MAQATE ilə əlaqəmizi davam etdirəcəyik", - deyə Peskov cümə günü jurnalistlərə Agentliyin Rusiyanın Zaporojye Atom Elektrik Stansiyasının ərazisindən öz qoşunlarını çıxarmaq çağırışını şərh edərkən deyib.
Bu yaxınlarda MAQATE-nin Rəhbərlər Şurası Rusiyanı Zaporojye AES-dən qoşunlarını çıxarmağa və Ukraynanın nüvə obyektlərində "bütün hərəkətləri dayandırmağa" çağıran qətnamə qəbul edib. Bu barədə Rusiyanın Vyanadakı beynəlxalq təşkilatlar nəzdindəki daimi nümayəndəliyindən məlumat verilib. Daimi nümayəndəlik bu qətnaməni tənqid edib. Daha sonra qətnaməni 26 ölkə dəstəkləyib, 7-si bitərəf qalıb. Rusiya və Çin qətnamənin əleyhinə səs verib, bitərəf qalan ölkələr isə Vyetnam, Hindistan, Keniya, Namibiya, Pakistan, Səudiyyə Ərəbistanı və Cənubi Afrikadır.
Zaporojye AES Avropanın ən böyük atom elektrik stansiyasıdır. Rusiya fevralın sonunda xüsusi hərbi əməliyyat zamanı onu nəzarətə götürüb. İndi mütəmadi olaraq Ukrayna atəşinə məruz qalan stansiyanın bütün altı enerji bloku soyuq bağlanma rejiminə keçirilib. Sentyabrda MAQATE-nin missiyası zavoda baş çəkdikdən sonra təşkilat hərbi əməliyyatlar nəticəsində baş verə biləcək qəzaların qarşısını almaq üçün ZAES ətrafında təhlükəsizlik zonası yaratmağa çağırıb. Hazırda təhlükəsizlik zonasının coğrafi parametrləri ilə bağlı müzakirələr davam edir.