BAKI, 19 noyabr - Sputnik. Polşanın Rusiyanın xarici işlər naziri Sergey Lavrovun Lodzda ATƏT Xarici İşlər Nazirləri Şurasının (XİNŞ) iclasında iştirakını rədd etmək qərarı görünməmiş və təxribat xarakterlidir. Bu barədə Rusiya Xarici İşlər Nazirliyinin bəyanatında deyilir.
“ATƏT-in hazırkı sədri olan Polşanın Rusiya Federasiyasının xarici işlər naziri Sergey Lavrovun ATƏT Xarici İşlər Nazirləri Şurasının (XİNŞ) Lodz şəhərində keçirilən iclasında iştirakından imtina etmək qərarı 1-2 dekabr tarixləri görünməmiş və təxribat xarakterlidir”, - deyə qurumun açıqlamasında bildirilir.
O da bildirilir ki, bunun 57 ölkənin bərabər şərtlərlə suveren və müstəqil dövlət kimi iştirak etdiyi qurumun sədri statusu ilə bir araya sığmır. İl ərzində Varşava ATƏT-in əsaslarını dağıdıb, əsas tədbirlərin əksəriyyəti ləğv edilib və ya “surroqat” formatında keçirilib.
“Nazirlər Şurası kontekstində Rusiyaya qarşı qəbuledilməz hücum Polşanın təşkilatdakı bütün “anti-prezidentlik”inin kulminasiya nöqtəsidir”, - deyə bəyanatda bildirilir.
Rusiya Xarici İşlər Nazirliyi onu da bildirib ki, Polşa hakimiyyəti ATƏT-in öz funksiyalarını tam yerinə yetirməsinə imkan vermir:
"Əvvəlcə Rusiya parlamentarilərinin ATƏT Parlament Assambleyasının payız sessiyasında (Varşava, 24-26 noyabr) iştirakına mane oldular, indi isə nazirlərin görüşündə Rusiya nümayəndə heyətinin hüquqlarını kobud şəkildə pozdular".