BAKI, 16 noyabr - Sputnik. Türkiyənin İstanbul şəhərinin Fatih rayonunda bir avtomobildə başlayan yanğın digər nəqliyyat vasitələrinə sıçrayıb.
Bu barədə “Report” xəbər verir.
Bildirilib ki, mobil telefon kamerası ilə çəkilən görüntülərdə yanğında alov arasından partlayış səsləri əks olunub.
Məlumata görə, dayanacaqda başlayan yanğın söndürülüb.
Qeyd edək ki, noyabrın 13-də İstanbulun İstiqlal küçəsində terror aktı törədilib. Nəticədə 6 nəfər həlak olub, 81 nəfər yaralanıb.
Daxili İşlər Nazirliyindən verilən məlumata görə, terror aktını törədən Ahlam Albashır saxlanılıb. O, PKK terror qruplaşması ilə əlaqəli olduğunu etiraf edib.