BAKI, 10 noyabr — Sputnik. G20 sammitində Rusiya nümayəndə heyəti enerji və qida sektorlarında bir sıra konkret təşəbbüslər elan etməyi planlaşdırır. Bunu Rusiya Xarici İşlər Nazirliyinin sözçüsü Mariya Zaxarova bildirib.
Bundan əvvəl Rusiya Xarici İşlər Nazirliyi Sergey Lavrovun İndoneziyada keçiriləcək G20 sammitində Rusiya nümayəndə heyətinə rəhbərlik edəcəyini bildirmişdi. Rusiyanın İndoneziyadakı səfirliyinin mətbuat attaşesi Aleksandr Tumaykin bildirib ki, prezident Vladimir Putin sammitdə onlayn formatda iştirak edə bilər, məsələ üzərində iş gedir.
Rusiya Xarici İşlər Nazirliyinin bəyanatında deyilir:
"Rusiya kommersiya və humanitar əsasda xarici bazarlara ərzaq məhsulları və enerji resurslarının etibarlı tədarükçüsü olaraq qalmağa hazır olduğunu bəyan edəcək, bununla belə hər hansı qiymət cəhdlərini və digər xarici təzyiqləri rədd edəcək" - deyə XİN-in bəyanatında deyilir.
"Bununla bağlı bir sıra konkret təşəbbüslərin, o cümlədən Türkiyə ilə qaz əməkdaşlığının qurulması, taxılın və gübrənin böyük partiyalarının tədarükünün təşkili nəzərdə tutulur", - Zaxarova bildirib.
Onun sözlərinə görə, Rusiya nümayəndə heyəti həmçinin qlobal iqtisadi arxitekturanın inhisardan çıxarılmasının və siyasi turbulentlikdən asılı olmayaraq logistik marşrutların, texnoloji klasterlərin və ödəniş sistemlərinin qurulmasının vacibliyini vurğulayacaq.