BAKI, 10 noyabr - Sputnik. Bakıdakı "Rus Evi"ndə Rusiya ali təhsil müəssisələrinin sərgisi açılıb. Burada Rusiya Federasiyasının Moskva, Sankt-Peterburq, Vladiqafqaz, Stavropol, Kazan, Qlazov, Həştərxan, Tula və Novoçerkassk kimi doqquz şəhərindən 16 universitet təqdim olunur.
Sərginin iştirakçıları arasında - Rusiya Xalqlar Dostluğu Universiteti, “Ali İqtisadiyyat Məktəbi” Milli Tədqiqat Universiteti, Bauman adına Moskva Dövlət Texniki Universiteti, Sankt-Peterburq Dövlət Universiteti, Gertsen adına Rusiya Dövlət Humanitar Universiteti, Kazan Federal Universiteti və digər ali təhsil müəssisləri var.
Qeyd edək ki, 2023/2024-cü tədris ili üçün Rusiya ali məktəblərində Azərbaycan vətəndaşlarının təhsil alması üçün müəyyən olunmuş kvota 270 nəfərdir. Sərgi iki gün davam edəcək.