BAKI, 5 noyabr - Sputnik. Azərbaycanın keçmiş vergilər naziri Fazil Məmmədov dəfn edilib.
Mərhum Yasamal qəbiristanlığında torpağa tapşırılıb.
Dəfn mərasimdə sabiq nazirin ailə üzvləri, yaxınları, dövlət rəsmiləri və ictimaiyyət nümayəndələri iştirak ediblər.
Qeyd edək ki, F.Məmmədov noyabrın 3-də Türkiyədə müalicə olunduğu xəstəxanada dünyasını dəyişib. Onun ürək çatışmazlığından vəfat etdiyi bildirilib.
F.Məmmədov 1964-cü ildə Şamaxıda anadan olub. O, 2000-2017-ci illərdə vergilər naziri vəzifəsində çalışıb.