BAKI, 3 noyabr — Sputnik. Rusiya Qərbin "böyük qələbəsini" böyük uğursuzluğa çevirdi.
Bu barədə Brendan Koul "Newsweek" jurnalı üçün məqaləsində yazıb.
"Mart ayında BMT Baş Assambleyasında Rusiyanın Ukraynadakı hərəkətlərini pisləyən səsvermə Qərb diplomatları tərəfindən böyük qələbə kimi qiymətləndirilə bilərdi, lakin bu, Qərbin mövqeyini izah etmək baxımından çox böyük uğursuzluğu ört-basdır etdi", - deyə Londondakı "The Royal United Services Institute" Düşüncə Mərkəzinin direktor müavini Conatan Eyal bildirib.
Məqalədə qeyd olunur ki, Hindistan, Meksika, Braziliya, Cənubi Afrika Respublikası, İndoneziya və Çində Rusiyanın xüsusi əməliyyat keçirməyə məcbur edildiyinə inanılır.
Müəllif yazıb: "Bu ölkələrin müstəmləkə keçmişinə və başqa hər şeyə görə Qərbə qarşı dərin nifrəti var ki, bu da, şübhəsiz ki, Rusiya ilə bağlı hər hansı şübhədən qat-qat güclüdür".
Koulun fikrincə, Birləşmiş Ştatlar və onun Qərb müttəfiqləri xeyli müddətdir ki, Rusiyanı G20-dən çıxarmaq variantlarını araşdırırlar. Amma indiki sammitin ev sahibi olan İndoneziya, eləcə də Hindistan, Braziliya, Cənubi Afrika və Çin belə bir qərarı dəstəkləmək istəmədiyi üçün bunu etmək praktiki olaraq mümkünsüz olub. Qeyd olunur ki, Qərb tərəfindən Rusiyanın G20-dən çıxmasının tərəfdarı olmaq kifayət qədər təkəbbürlü idi. "Qlobal dünya nizamı ABŞ və Aİ-dən üz döndərir", - deyə müəllif sözünü yekunlaşdırıb.