BAKI, 1 noyabr - Sputnik. Ermənistanla Azərbaycan arasında münaqişənin həllində Rusiya Federasiyasının vasitəçiliyi kifayətdir. "SB.Belarus Today" nəşrinin məlumatına görə, bu sözləri Belarus prezidenti Aleksandr Lukaşenko Minskdə Kollektiv Təhlükəsizlik Müqaviləsi Təşkilatının (KTMT) baş katibi Stanislav Zasla görüşündə deyib.
"KTMT-nin ora cəlb etmək cəhdlərindən hiddətlənən Belarus dövlət başçısı belə deyib:
“Müharibə bitdi... Tərəflər belə qərara gəldilər ki, onlara, kobud desək, vasitəçi lazımdır. Bu, normaldır, klassik haldır. Təbii ki, bu da (vasitəçi - red.) Rusiyadır. Rusiyaya üz tutduq, Rusiya yüzlərlə adamı ora göndərdi. Təyyarələrin necə uçduğunu xatırlayırıq. Rusiya sərhədçiləri, Putinin dediyi kimi, sərhədin bütün hissələrindədir. Türkiyə ilə, İranla, Ermənistanla Azərbaycan arasında və s. Daha nə lazımdır? Qoy elə bu istiqamətdə də çalışsınlar”.
"Mən əbəs yerə deməmişəm ki, müəyyən oyun gedir. Mən başa düşürəm ki, hansı oyundur. Avropa İttifaqı niyə bu oyuna sürüklənib? ATƏT-i ora niyə sürükləyirsiniz? Səbəbini başa düşmək olar. Əgər orada onsuz da vasitəçi varsa, onlar nə edəcəklər? Hələ bir KTMT-ni də buna cəlb etmək istəyirlər. Sanki başqa işləri yoxdur", - deyə Belarus prezidenti vurğulayıb.
Lukaşenko Zasa Ermənistan-Azərbaycan sərhədindəki vəziyyəti ətraflı müzakirə etmək istədiyini bildirib.
“Yenə də sən özün orada idin, baş verənləri gördün. Birgə qərargah rəisi isə işləyirdi. Axı onlar mütəxəssisdirlər. Məsələn, ora KTMT missiyasının göndərilməsi təklif olunanda mən fikirləşdim: bizim Belarusda Zasdan güclü adamlarımız var? Onlar daha yaxşı başa düşürlər? Bu, təkcə səni tərifləmək istədiyim üçün deyil. Siz bu prosesdə iştirak edirsiniz, orada nə baş verdiyini görürsünüz. Odur ki, baxın və məruzə edin! Belarusdan, Rusiyadan və başqalarından müşahidəçiləri ora göndərmək nəyə lazımdır? Rusiya ətrafında "tullanıb-düşməyin" nə mənası var? - deyə Belarus Prezidenti bildirib.