BAKI, 31 oktyabr — Sputnik. "Azərbaycanın azad olunmuş ərazilərində açılan aeroportlar mühüm əhəmiyyət daşıyır".
Bunu Türkiyənin xarici işlər naziri Mövlud Çavuşoğlu deyib.
"Can Azərbaycana verdiyimiz dəstəklə Cənubi Qafqazda 30 illik işğal başa çatdı. Prezidentlərimizin imzaladığı Şuşa Bəyannaməsi ilə əlaqələrimiz müttəfqilik səviyyəsinə qalxdı. Azərbaycanın işğaldan azad olunmuş torpaqlarında açılan aeroportlar mühüm əhəmiyyət daşıyır", - deyə o bildirib.
Çavuşoğlu türk dövlətləri arasında əlaqələrin gücləndiyini vurğulayıb.
Xatırladaq ki, oktyabrın 20-də Zəngilan Beynəlxalq Hava Limanının açılış mərasimi olub. Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan açılış mərasimində iştirak ediblər.
Azərbaycan və Türkiyə prezidentləri hava limanının rəmzi açılışını bildirən lenti kəsiblər.