BAKI, 31 oktyabr — Sputnik. Sabirabad rayonunda ölümlə nəticələnən ağır yol-nəqliyyat hadisəsi baş verib.
"Report"un Aran bürosunun məlumatına görə, hadisə rayonun Zalqarağac kəndində qeydə alınıb.
İlkin məlumata görə, hadisə nəticəsində ölənlər və xəsarət alanlar var.
Faktla bağlı araşdırma aparılır.
Qeyd edək ki, həftəsonu Azərbaycanda yol qəzalarında 8 nəfər ölüb.
Bu barədə Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, oktyabrın 29-30-da respublikanın avtomobil yollarında ölümlə nəticələnən 6 yol-nəqliyyat hadisəsi baş verib, nəticədə 8 nəfər ölüb, 7 nəfər isə xəsarət alıb.