BAKI, 29 oktyabr - Sputnik. BMT koronavirusun yaranmasında ABŞ-ın iştirakı ilə bağlı müstəqil araşdırma aparmalıdır. Bu fikri Rusiya Dövlət Dumasının spikeri Vyaçeslav Volodin Telegram kanalında yazıb.
"BMT Vaşinqtonun koronavirusun yaranmasında iştirakı ilə bağlı müstəqil araşdırma aparmalıdır", - deyə paylaşımda bildirilir.
Volodinin sözlərinə görə, Pentaqon belə virus yaratmağa qadir olan 336 bioloji laboratoriyaya nəzarət edir:
“Pentaqonun nəzarəti altında dünyanın 30 ölkəsində belə bir virus yaratmaq qabiliyyətinə malik 336 bioloji laboratoriya var".
Spiker onu da əlavə edib ki, "ABŞ pandemiyanın nəticələrinin xərclərini ölkələrə kompensasiya etməyə borcludur".
Deputat qeyd edib ki, onun daha əvvəl Telegram kanalında yerləşdirdiyi koronavirusun mənşəyi ilə bağlı sorğuda iştirak edənlərin 95%-i koronavirusun süni şəkildə yaradıldığına inanır.