BAKI, 29 oktyabr - Sputnik. Rusiya hava hücumundan müdafiə sistemləri son sutka ərzində 14 Ukrayna pilotsuz uçan aparatı, 9 HIMARS MLRS mərmisi və 8 HARM anti-radar raketini vurub. Bu barədə şənbə günü Rusiya Federasiyası Müdafiə Nazirliyinin mətbuat xidməti məlumat yayıb.
“Bir sutka ərzində hava hücumundan müdafiə sistemləri "Luqansk Xalq Respublikası"nın Arapovka, Svatovo, Raevka, Rudovo, "Donetsk Xalq Respublikası"nın Yelenovka, Şevçenko, Zaporojye vilayətinin Burçak, Novokamenovka, Xerson vilayətinin Mılovoye, Klapovaya və Çarivnoye yaşayış məntəqələri ərazilərində 14 pilotsuz uçuş aparatını məhv edib, - məlumatda deyilir.
Bundan əlavə, bir gündə ABŞ istehsalı olan HIMARS reaktiv yaylım atəş sisteminin doqquz mərmisi və səkkiz HARM antiradar raketi Xerson bölgəsində və "LXR"-də vurulub.