BAKI, 26 oktyabr — Sputnik. Konqresmenlərin ABŞ prezidenti Co Baydenə Ukraynadakı münaqişəyə son qoymaq üçün Rusiya ilə diplomatik təmaslara çağıran məktubunu geri götürməsi "demokratiyanın dalğalanması"dır. Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova Sputnik radiosuna müsahibəsində bildirib.
Bundan əvvəl müraciətin təşəbbüskarı Pramila Djaypal iddia edib ki, bir qrup demokrat konqresmen Baydenə Rusiya ilə Ukraynaya görə danışıqlara çağırış məktubunu geri götürüb. Vurğulanıb ki, hakim partiyanın liberal qanadının nümayəndələrinin mesajı bir neçə ay əvvəl hazırlanıb və yalnız oktyabrın 24-də tələb olunan əlavə dəqiqləşdirmələr və təsdiqlər olmadan açıqlanıb.
Ukraynada nə baş verir?
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb.
Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
Əməliyyatın keçirilməsi qərarı ABŞ və müttəfiqlərinin Rusiyaya qarşı yeni sanksiyalarının səbəbi olub.
Bundan əvvəl məlum olub ki, Ağ Ev hesab edir ki, Moskva ilə danışıqlara başlamaq barədə Kiyev özü qərar verməlidir.