BAKI, 25 oktyabr — Sputnik. ABŞ-da 1990-2000-ci illərdə hakim olan liberal iqtisadi model çökməyə başlayıb. Rusiyalı iqtisadçı Mixail Xazin bu barədə "Sputnik" radiosuna danışıb.
"Bu gün belə bir qərar qəbul edilib ki, bu model ilk növbədə ABŞ-da sıradan çıxıb. Əgər biz bu gün Avropa İttifaqındakı lokal vəziyyətdən danışsaq, o, pisləşib, çünki inflyasiya və işsizlik artıb. Əhalinin həyat səviyyəsi hələ ki, çox aşağı düşmür, çünki onu büdcədən dəstəkləyirlər, kiçik və orta biznes isə fəryad edir və artıq bağlanmağa başlayıb", ― deyə ekspert qeyd edib.
Onun sözlərinə görə, Avropa İttifaqının iqtisadi modeli artıq işləmir, amma ictimai-siyasi infrastruktur nəyin bahasına olursa-olsun ayaqda qalmağa çalışır.
"Rusiyanın vəziyyətinə gəlincə, burada da aydın olur ki, 1990-2000-ci illərdə yaradılmış köhnə inzibati infrastruktur artıq işləmir. Nabiullini, Siluanovu və s. istənilən qədər söyə bilərsiniz, lakin əsas rəqib məhz bürokratik maşındır: o, prinsipcə bu gün ölkə qarşısında duran vəzifələri yerinə yetirə bilmir", — deyə Xazin qeyd edib.
O, dəqiqləşdirib ki, bu səbəbdən Prezident Vladimir Putin birbaşa nəzarətin iki alətini tətbiq etmək qərarına gəlib.
"Onlardan biri baş nazir Mixail Mişustinə verilib. Artıq tamamilə aydındır ki, səfərbərliyin idarə edilməsi sisteminə ehtiyacımız var. O mənada yox ki, ölkə daxilində hərbi düşərgə qurmaq lazımdır, o mənada ki, bizə bürokratik sistemin və müvafiq olaraq son 30 ildə böyümüş vəhşi normativ bazanın aradan qaldırılması alətlərinin olması lazımdır. Məsələ ondadır ki, o, artıq işləməyən liberal dollar sistemi çərçivəsində yaradılıb", - deyə iqtisadçı yekunlaşdırıb.