BAKI, 18 oktyabr — Sputnik. İtaliyanın məşhur “Ricchi e Poveri” (Varlılar və Kasıblar) qrupunun solisti Franko Qatti 80 yaşında vəfat edib.
Müğənni İtaliyanın Genuya şəhərində həyata gözlərini yumub.
“Ricchi e Poveri” qrupu 1967-ci ildə yaradılıb. 1970-1980-ci illərdə məşhurlaşan qrup sonradan da fəaliyyətini davam etdirib və ümumilikdə 22 milyondan çox albomu satılıb.
Qeyd edək ki, Qatti 2013-cü ildə oğlu Alessionun vəfatından sonra qrupdan ayrılmışdı, lakin 2020-ci ildə yenidən qrupa qayıdıb.
Qrup "Che sara", "Sara perche ti amo", "Mamma Maria", "Voulez-Vous Danser", "Piccolo Amore" kimi məşhur mahnıları ilə tanınır.