BAKI, 12 oktyabr — Sputnik. Bakıda "Əhmədli" metrostansiyasının yaxınlığında sərnişin avtobusu ilə yük maşını toqquşub, yaralananlar var.
Bunu Bakı şəhər Baş Polis İdarəsinin Dövlət Yol Polisi İdarəsinin baş inspektoru, polis mayoru Araz Əsgərli Trend-ə bildirib.
Onun sözlərinə görə, 57 saylı xətt avtobusu "KamAZ" markalı yük maşını ilə toqquşub.
Nəticədə avtobusda olan bir neçə sərnişin xəsarət alıb.
Hadisə yerinə yol polis əməkdaşları cəlb olunub.
Faktla bağlı araşdırma aparılır.
Xatırladaq ki, bu gün Gəncədə də avtobusda sərnişin yanıq xəsarətləri alıb. APA-nın məlumatına görə, şəhər sakini Aygün Əliyeva şəhərdaxili marşrut avtobusunda olan zaman istilik sisteminin rezin borusunun partlaması nəticəsində 1-ci dərəcəli yanıq xəsarəti alaraq xəstəxanaya yerləşdirilib. Onun vəziyyətinin kafi olduğu bildirilir.