BAKI, 10 oktyabr - Sputnik. Rusiya Müdafiə Nazirliyi bu gün səhər Ukraynaya endirdiyi raket zərbələrinin buraxılış anının görüntülərini yayıb.
Rusiya MN rəsmi nümayəndəsi İqor Konaşenkovun brifinqi zaman video nümayiş olunub.
Videoda dənizdə yerləşən hərbi gəmidən uzaq mənzilli qanadlı yüksək dəqiqlikli raketlərin buraxıldığı nümayiş olunub.
Görüntülərin nümayişi zamanı Konaşenkov deyib:
"Ukraynanın hərbi komandanlıq və idarəetmə obyektlərinə, rabitə və enerji sistemlərinə uzaqmənzilli dəqiqlikli silahlarla kütləvi zərbə endirib - zərbənin məqsədinə nail olunub, bütün təyin olunmuş obyektlər vurulub”.
***
Bu gün Ukraynada hədəf alınmış bütün obyektlər vurulub.
Bu barədə Rusiya Müdafiə Nazirliyi məlumat yayıb.
“Bu gün Rusiya Silahlı Qüvvələri Ukraynanın hərbi komandanlıq və idarəetmə obyektlərinə, rabitə və enerji sistemlərinə uzaqmənzilli dəqiqlikli silahlarla kütləvi zərbə endirib - zərbənin məqsədinə nail olunub, bütün təyin olunmuş obyektlər vurulub”, - deyə Rusiya MN-nin məlumatına qeyd olunub.