BAKI, 7 oktyabr — Sputnik. Binəqədidə evdən soyğunçuluq edilib. Daxili İşlər Nazirliyinin (DİN) Mətbuat xidmətindən verilən xəbərə görə, Rayon Polis İdarəsinin 43-cü Polis Bölməsinə müraciət edən paytaxt sakini olan bir qadın oktyabrın 6-da günorta saatlarında Binəqədi qəsəbəsindəki yaşadığı evin həyətində naməlum şəxsin olmasını, daha sonra evə daxil olaraq bıçaqla onun üzərinə gəlməsini və kömək çağırmaq üçün çölə qaçdıqda həmin şəxsin evdə olan 400 manat pulu və mobil telefonunu talayıb aparmasını bildirib.
Polis əməkdaşlarının keçirdikləri əməliyyat tədbirləri nəticəsində soyğunçuluğu törətməkdə şübhəli bilinən Bakı şəhər sakini Röya Həsənova müəyyən olunaraq saxlanılıb.
Binəqədi Rayon Polis İdarəsində araşdırma aparılır.
Qeyd edək ki, 2021-ci ildә 21 206 nәfәr cinayәt törәtmiş şәxs aşkar olunub, onların da 6 305 nәfәri vә ya 29,7 faizi 14-29 yaşda olan gәnclәrdir. Cinayәt törәtmiş 14-29 yaşda olan gәnclәrin 42,5 faizi ictimai tәhlükәsizlik vә ictimai qayda әleyhinә, 28,7 faizi iqtisadi sahәdә, 26,0 faizi şәxsiyyәt әleyhinә, 2,8 faizi isә cinayәti digәr sahәlәrdә törədiblər.
2020-ci ilә nisbәtәn 2021-ci ildә gәnclәr tәrәfindәn törәdilәn cinayәtlәrin ümumi sayında soyğunçuluq 34,1 faiz, quldurluq 24,3 faiz, qәsdәn adam öldürmә vә adam öldürmәyә cәhd 23,1 faiz, qәsdәn sağlamlığa ağır zәrәr vurma 20,2 faiz, zorlama vә zorlamaya cәhd 16,7 faiz, xuliqanlıq isә 9,8 faiz azalma ilә müşahidә olunub.