BAKI, 4 oktyabr — Sputnik. Mətbuat Şurası İdarə Heyətinin yeni tərkibdə iclası keçirilib.
İclasda ilk olaraq Şuranın sədr müavinləri seçilib. Səadət Məmmədova və Vüqar Zifəroğlunun namizədlikləri dəstəklənib. Eyni zamanda, Rey Kərimoğlu Nəzarət-Təftiş Komissiyasının (NTK) sədri, Əvəz Rüstəmov isə icraçı katib seçilib. İclasda Mətbuat Şurasının komissiyalarının da tərkibi müəyyən edilib. (Apa)
Qeyd edək ki, bir neçə gün öncə "525-ci qəzet"in baş redaktoru Rəşad Məcid Mətbuat Şurası (MŞ) İdarə Heyətinin sədri seçilib.
Xatırladaq ki, bunadək Əflatun Amaşov Mətbuat Şurasının sədri olub. O, 2003-cü ildən etibarən MŞ sədri vəzifəsini icra edib.