BAKI, 3 oktyabr — Sputnik. Valyutalar üzrə ekspert Aleksandr Yeqorov "Sputnik rus dilində"-yə müsahibəsində yaxınlaşan maliyyə böhranı və Avropa bank sisteminin çöküşündən danışıb. Bir müddət əvvəl məlum olub ki, Avropanın ən böyük banklarından olan Credit Suisse və Deutsche Bank-ın səhmlərinin dəyəri minimum rekordu vurub. Beləliklə, bu maliyyə strukturlarını iflas təhlükəsi gözləyir. Əgər Almaniya və İsveçrə hökumətləri onların xilasına qarışmasalar, o zaman digər Avropa bankları da zəncirvari şəkildə çökə bilər.
Ekspert hesab edir ki, bu problem inflyasiya və pul çapı siyasəti, habelə avronun valyuta kimi toksikliyi nəticəsində yaranıb.
Bundan əlavə, Yeqorov Rusiyanın yaxınlaşan böhran şəraitində necə hərəkət etməli olduğundan və vəziyyətdən faydalanmaq üçün əsas qüvvələri hara yönəltməli olduğundan söz açıb.